झापा । देशभर १८३१ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा आरटी पीसीआर परिक्षण गर्दा १२३७ जना र एन्टिजन परिक्षण गर्दा ५९४ जना गरि जम्मा १८३१ जना नयाँ संक्रमित थपिएका हुन् ।    

पछिल्लो २४ घण्टामा १५३३ जना कोरोनामुक्त भएका छन् भने मृतकको संख्या २० रहेको छ ।  त्यस्तै, हाल सक्रिय संक्रमितको संख्या २६ हजार १७३ जना रहेको छ ।  स्वास्थ्य मन्त्रालयका अनुसार संक्रमण पत्ता लाग्नेदर २२।३ रहेको छ ।

यसले गर्दा संक्रमणको जोखिम घटेको छैन । गाउँगाउँमा कोरोना संक्रमण फैलिरहेको छ । काठमाडौं उपतयकाका तीनै जिल्लाका सक्रिय संक्रमितको संख्या ५ सय भन्दा बढी रहेको मन्त्रालयले जनाएको छ । त्यस्तै, मन्त्रालयका अनुसार निषेधाज्ञा बढेसंगै कोरोना संक्रमण पनि बढ्दै गएको छ ।