ह्वाइट हाउसमा पहिलो अपराधी बन्नबाट जोगिन अमेरिकी राष्ट्रपति-निर्वाचितको अन्तिम प्रयासका बाबजुद एक न्यायाधीशले शुक्रबार डोनाल्ड ट्रम्पलाई पोर्न स्टारलाई दिइएको गुप्त रकम लुकाएको मुद्दामा वि शर्त रिहाइको सजाय सुनाएका छन्।सन् २०२४ मे महिनामा दोषी ठहर गरिएको व्यावसायिक रेकर्ड जालसाजीका ३४ मुद्दामा जेल सजायको सम्भावना भए पनि न्यायाधीशले ट्रम्पलाई जेल वा जरिवानाबाट मुक्त गरे।

‘यस अदालतलाई पहिले कहिल्यै यस्तो अद्वितीय र उल्लेखनीय परिस्थितिको साथ प्रस्तुत गरिएको थिएन’, न्यायाधीश मर्चनले भने, ‘मुलुकको सर्वोच्च पदमा हस्तक्षेप नगरी दोषी ठहर गर्न अनुमति दिने एकमात्र कानूनी सजाय विनाशर्त रिहाइ हो।’

ट्रम्प भर्चुअल रूपमा आफ्नो सजाय सुनुवाइमा उपस्थित भए। न्यायाधीश, वकिल र मिडियाले म्यानहट्टनको अदालत कक्षमा खचाखच भरिएका थिए जुन विभाजनकारी रिपब्लिकनद्वारा मुद्दाको उच्च नाटक, कानूनी झगडा र कटु व्यक्तिगत आक्रमणको पृष्ठभूमि थियो। 

‘यो निकै डरलाग्दो अनुभव भएको छ। मलाई लाग्छ यो न्यूयोर्क र यहाँको अदालत प्रणालीका लागि ठूलो धक्का हो’, आरोपमुक्त हुनुअघि ट्रम्पले भने, ‘मैले चुनाव हारौँ भन्ने अभिप्रायले यो मेरो प्रतिष्ठालाई हानि पुर्‍याउनका लागि गरिएको थियो।’ 

पूर्वराष्ट्रपति आफ्नो पछाडि दुईवटा ठूला अमेरिकी झण्डा लिएर अदालत कक्षमा पर्दामा देखा परे। सेतो धर्काहरू भएको रातो टाई लगाएका थिए र छोटो कार्यवाही चलिरहँदा अधीर भएर हेरिरहेका थिए।

सजाय सुनाउनुअघि अभियोजक जोशुआ स्टिनग्लासले ट्रम्पलाई ‘पूर्वनियोजित र निरन्तर छल’ गरेको अभियोगमा दोषी ठहर गरिएको बताए। ‘यो मुद्दामा फैसला सर्वसम्मत र निर्णायक थियो र यसको सम्मान गरिनुपर्छ’, उनले भने।

सुनुवाइमा ट्रम्पलाई साक्षीहरूको शृङ्खलाले बयान दिएको हेर्न बाध्य पारियो। उनीहरूले ट्रम्पले सन् २०१६ को राष्ट्रपतीय चुनावअघि पोर्न स्टार स्टोर्मी ड्यानियल्सलाई उनीहरूको यौन सम्बन्ध सार्वजनिक नगर्न दिइएको गैरकानूनी भुक्तानी धोखापूर्ण ढङ्गले लुकाएको बताए। अन्ततः ट्रम्पले सन् २०१६ को निर्वाचन जित्नुभयो।

न्यूयोर्क राज्यको अपिल अदालतले सुनुवाइमा ढिलाइ गर्ने उहाँको प्रयासलाई खारेज गरेपछि ट्रम्पले फौजदारी कार्यवाही निलम्बनको माग गरेका थिए।

तर सर्वोच्च अदालतले सजाय सुनुवाइ अघि बढ्न सक्ने फैसला गर्‍यो। अभियोजकहरूले ट्रम्पसँग न्युयोर्कमा अपिल गर्ने मार्ग बाँकी हुँदा सर्वोच्च अदालतले मुद्दा सुन्नु गलत भएको तर्क गर्दै दोस्रो कार्यकालको सपथग्रहण हुन १० दिन बाँकी छँदै सजाय रोक्ने प्रयासको विरोध गरे।