आज विहान चीनको तिब्बत द्रिगी आसपास केन्द्रबिन्दू भएर गएको ७ म्याग्निच्युडको शक्तिशाली भूकम्प गएको र हालसम्म ३६ जनाले ज्यान गुमाएको चिनियाँ सञ्चारमाध्यम सिजीटीएनले जनाएको छ। अन्य ३८ जना घाइते भएका छन् र भूकम्पको केन्द्रविन्दु रहेको टिंगरी काउन्टीमा १,००० भन्दा बढी घरमा क्षति पुगेको समाचार एजेन्सी सिन्ह्वाले जनाएको छ।

सीएनएनद्वारा जियोलोकेटेड चिनियाँ सोशल मिडिया भिडियोहरूले भूकम्पको केन्द्रबाट लगभग ८६ किलोमिटर (५३ माईल) ल्हात्से काउन्टीको सडकमा क्षतिग्रस्त छाना, पसलको अगाडि र मलबेको थुप्रो देखाएको छ। सडकमा पार्किङ गरेका केही कार र मोटरसाइकलमा क्षति पुगेको फुटेजले देखाएको छ ।

इपिसेन्टर नजिकको क्षेत्र थोरै जनसंख्या भएको छ तर साना गाउँहरू दुर्गम क्षेत्रमा बस्छन् र प्रायः हिमालयी उपत्यकाहरूबाट क्षति विवरण आउन अझै बाँकी छ । 

नेपालको राष्ट्रिय भूकम्प मापन तथा अनुसन्धान केन्द्रले ७ म्याग्निच्युडको धक्का मापन गरिएको जानकारी गराएको छ।  भूकम्पको धक्का काठमाडौंसम्म महसुस गरिएको थियो। नेपालमा हालसम्म क्षतिको विवरण प्राप्त नभएको प्रहरीले जनाएको छ।