भारत ।  सीजेआई सूर्यकान्तले युवाहरूलाई लिएर दिएको टिप्पणीपछि इन्टरनेटमा तहल्का मच्चाएको ‘कक्रोच जनता पार्टी’ को आधिकारिक वेबसाइट पनि बन्द गरिएको छ । यसअघि नै पार्टीको एक्स ह्यान्डल भारतमा प्रतिबन्ध लगाइएको थियो । पार्टीका संस्थापक अभिजीत दीपकेले आफ्नो निजी इन्स्टाग्राम अकाउन्ट पनि ह्याक गरिएको दाबी गरेका छन् । दीपकेले पार्टीको वेबसाइट ‘cockroachjantaparty.org’ बन्द गरिएको भन्दै यसलाई तानाशाहीको उदाहरण दिएका छन् । उनका अनुसार उक्त वेबसाइटमार्फत १० लाख मानिसले दर्ता गरेका थिए ।

वेबसाइटमार्फत ६ लाख मानिसले धर्मेन्द्र प्रधान शिक्षा मन्त्री पदमा रहन नहुने भन्दै उनको राजीनामा माग गरेका थिए । उनीहरूको भनाइ अनुसार नीट पेपर लिक प्रकरणमा प्रधान असफल भएका छन् । दीपकेले एक्स पोस्टमा लेखेका छन्, ‘सरकार यति डराएको किन छ ? यस्तो तानाशाही व्यवहारले देशका युवाहरूको आँखा खोलिरहेको छ । अब हामी नयाँ प्लेटफर्ममा काम गर्नेछौं, किनकि कॉकरोच कहिल्यै मर्दैनन् ।’

दीपकेको घर बाहिर प्रहरी तैनाथ

शनिबारसम्म इन्स्टाग्राममा सीजेपीका २.२ करोडभन्दा बढी फलोअर पुगेका थिए । जबकि बीजेपीको इन्स्टाग्राममा ९२ लाख र कांग्रेसको करिब १ करोड ३४ लाख फलोअर छन् । महाराष्ट्रको हिंगोली जिल्लाका प्रहरी उपायुक्त पंकज अतुलकरले शनिबार जानकारी दिँदै ‘कक्रोच जनता पार्टी’ (सीजेपी) का संस्थापक अभिजीत दीपकेको घरबाहिर प्रहरी तैनाथ गरिएको बताएका छन् । दीपके अहिले पनि अमेरिकामा अध्ययनरत छन् ।